Ako po si APRIL JOY SELVIDAD, labing anim na taong gulang, nakatira po ako sa purok 3 extension Lanton Apopong General Santos City.
Unang una sa lahat gusto kong makatapos ng pag-aaral at gusto kong matulungan ang aking ina, para di niya na kailangang umalis ng bansa para lang maitaguyod kaming magkapatid na nag-aaral pa, at gusto ko ding masuklian ang mga sakripisyo at paghihirap ng aking ina sa labas ng bansa.
Pinili ko ang ICT kasi isa ito sa mga gusto kong kunin sa Senior High School  at marami akong gustong matutunan tungkol sa computer, gusto kong matuto kung pano maging computer programmer, paano magkumponi ng mga sirang computer, at kung pano ayusin ang iba pang gamit tulad ng cellphone, at laptop.
Kung tutuusin kasi, ito ang masasabi kong career na flexible sa lahat ng larangan. Lahat na po kasing kompanya ngayon ay pinapatakbo na ng teknolohiya. Kung matatapos ko itong strand na ito kung sakali maaari pwede ako sa Call center o sa Telecommunication companies. Maaari akong maging web developer, web designer, computer programmer, computer analyst at marami pang iba. Kung hindi man, ay pwede rin akong magpatayo ng sariling computer shop o photo shop.
 In demand rin po kasi ito sa ibang bansa. Dahil nabubuhay na tayo ngayon sa panahon na maimpluwensiya pagdating sa teknolohiya, marahil ito ang tamang career na nababagay sa akin kaya ko napili ang strand na ito. Yun lang po at maraming salamat sa pagbabasa ng ng Maikli kong paliwanag na sana ay maging sapat.